Рускиот претседател, Владимир Путин, нема да биде поканет на комеморацијата на 80-годишнината од пристигнувањето на сојузничките трупи во Нормандија во јуни 1944 година, познат како „Денот-Д“, потврдија француските организатори.
„Русија беше поканета и ќе биде претставена, со цел да се оддаде почит на важноста на учеството и пожртвуваноста на советскиот народ, како и нивниот придонес за победата во 1945 година. Со оглед на околностите, претседателот Владимир Путин нема да биде поканет, “ објави мисијата, прецизирајќи дека рускиот лидер нема да биде поканет поради руската „агресивна војна“ во Украина.
Путин беше поканет во јуни 2014 година на церемонијата по повод 70-годишнината од пристигнувањето на сојузниците во Нормандија, и покрај анексијата на Крим, три месеци претходно.
Церемонијата за одбележување на 80-годишнината од „Денот-Д“ ќе се одржи на 6 јуни, денот кога сојузничките трупи почнаа да слетуваат во северна Франција, отворајќи го вториот фронт против нацистичките сили во Европа. Поканата ќе биде испратена до дипломатската мисија на Москва во Франција. Според францускиот ТВ канал, и покрај геополитичката ситуација, тешко е да се одбележи овој настан без присуство на Русија.
Иако СССР не учествуваше директно во слетувањето на 6 јуни, тоа го овозможи со плаќање на највисоката цена од Втората светска војна, бидејќи речиси 27 милиони советски борци загинаа борејќи се во нацистичка Германија.
