Според новиот тајландски даночен закон, сите даночни резиденти кои ги остваруваат своите приходи во странство и трошат пари во Тајланд, во иднина ќе мора да плаќаат данок.
Овие одредби важат не само за тајландските граѓани, туку и за илјадници странски пензионери кои ги поминуваат пензионерските денови во Тајланд.
Меѓу нив има и многу пензионери од Европа, а пред се од Германија.
Пензионерите живеат удобно во Тајланд од заштедите и приходите што ги заработиле додека работеле во нивните матични земји.
„Ова е многу тежок удар за германските пензионери“, вели даночниот советник Мартин Либенов од меѓународната ревизорска фирма Мазарс во Бангкок, пренесува Тпортал.
Пензионерите не се единствените погодени. Ова е тежок удар за секој што ќе се пресели во Тајланд и живее од своите заштеди и приходи од странство, без разлика дали се пензионери или многубројните дигитални номади, вели Либенов.
