Гостивар со нова уредена пешачка патека Бајрак Тепе

Гостиварци добија ново уредено место за прошетка и рекреација. Денес, на пригоден настан и со рекреативно пешачење во група на планинари, граѓани и ученици, беше промовирана новоуредената пешачка патека Бајрак Тепе во должина од 3 километри. Освен што испешачија и уживаа во природата, присутните имаа можност и да се запознаат со карактеристиките на патеката.

Уредувањето на патеката е во рамки на проектот „Гостивар повикува: Ајде на планина”, што го спроведуваат Асоцијацијата за демократска иницијатива и Здружението на планинарски спортови „Шари”.

„Во изминатите неколку месеци работевме на сондажа, уредување, чистење и маркирање како и поставување на соодветна сигнализација – патокази и инфо – табли на планински и велоспипедски патеки. Беа уредени 4 планински патеки во должина од околу 40 км и 5 велосипедски патеки во должина од околу 160 км. Сите патеки се во околината на Гостивар. Една од патеките, која официјално се промовираше денес е Бајрак Тепе. Патеката е лесна за пешачење и нуди прекрасен пејзаж. Гостивараци од сите возрасти имаа можност да ја откријат новата патека и да уживаат во уредениот предел.“, соопштија организациите.

Проектот е поддржан од РЕЛОАД 2 програмата на УНДП и Општина Гостивар.