Претседателката на Советот на јавни обвинители, Душица Димитриеска информираше дека на денешната седница донеле одлука за негативно мислење по предлогот на Владата за разрешување на државниот јавен обвинител Љупчо Коцевски. Оваа одлука е донесена со мнозинство гласови.
-Советот го изготви мислењето и ќе го достави до Владата, рече Димитриеска.
Според неа, јавноста била исклучена од јавноста на предлог на член на СЈО кој што едногласен бил прифатен од другите членови. Тоа се направило заради, како што рече, заштита на угледот и интегритетот на јавниот обвинител, како и заштита на податоците кои биле содржани во доказите што се доставени од Коцевски.
Целокупната дискусија ќе биде објавена на записникот на веб-страницата на СЈО и јавноста ќе има увид.
Владата на 26 март објави дека ќе ја прекине постапката за разрешување ако Советот на ЈО даде мислење, а истото нема да биде проследено до Собранието. Претседателот на ВМРО-ДПМНЕ, Христијан Мицкоски, изјави дека постапката ќе биде запрена за време на чувствителната ситуација во општеството и поради тековниот случај во Кочани.