Голот на Јамал на „Сантијаго Бернабеу“ што судиите не го признаа се уште е главна тема во шпанскиот фудбал. Барселона дури се закани и со барање за пригрување на големото „Ел Класико“, а Шпанската Фудбалска Федерација ја објави во јавноста комуникацијата беше главниот судија Сото Градо и арбитрите од ВАР-собата.
Од неа јасно се гледа дека главниот арбитар е убеден дека Барса не треба да добие гол за спорната ситуација, додека ВАР-арбитрите ставаат до знаење дека од снимките на камерите не можат да кажат со сигурност дека топката по ударот на Јамал ја минала гол-линијата со сиот свој обем.
Ова е комуникацијата меѓу судиите за спорниот момент на „Сантијаго Бернабеу“…
Сото Градо: „За мене топката не е во голот.“
ВАР: „Ајде да погледнеме, почекај малку, не дозволувај да го изведат корнерот.“
Сото Градо: „Чекам. Не, нема гол-технологија. Чекам. Чекам на ВАР. Можеби беше гол. Гледаат. Не, немаме гол-технологија.“
ВАР: „Серџо сопри во моментот кога топката удира во рацете на Лунин и тргни од тука. Чекај секунда, правиме триангулација бидејќи немаме снимка.“
Сото Градо: „Се уште не знаеме.“
ВАР: „Овој играч го покрива телото на Лунин, во ред? Чекај малку. Се уште бараме доказ. Оваа снимка не е добра, ниту оваа, ниту овој агол не е добар, не се гледа ни тука. Следниот. Ништо и од тоа, ниту ова не е добро.“
Сото Градо: „Без брзање, ова е многу важна одлука, без брзање, погледнете ги сите камери.“
ВАР: „Немаме веќе камери. Можеме да потврдиме дека немаме други камери.“
Сото Градо: „Не се брзаме. Можеме да чекаме. Најдобро да чекаме.“
ВАР: „Цесар, можеме да одиме со корнерот, немаме доказ дека топката влезе во голот, затоа одиме со корнерот. Нема доказ дека топка влезе во голот. Корнер.“
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
