Не ги избегнувајте салатите подготвени со кромид или лук бидејќи постојат намирници кои ефективно го неутрализираат непријатниот мирис од устата.
Ако сте од оние што уживаат да јадат лук и кромид, но се плашите дека луѓето ќе ве избегнуваат, опуштете се. Запомнете ги овие неколку трикови за неутрализирање на силниот мирис од овие два зеленчуци и уживајте грицкајќи ги во склоп на јадењата.
Овие освежителни намирници со својата арома го сузбиваат лошиот здив, а станува збор за лимонада, зелен чај, свежи листови нане, магдоносот и јаболко.
Листови од нане
Свежото нане има силен мирис, но на вкус не е непријатно. Џвакајте неколку листови после ручекот, ќе го сузбие непријатниот мирис во устата, а има и други придобивки – го смирува нервозниот желудник и го подобрува варењето.
Зелен чај
При отстранување на лошиот здив од устата, зелениот чај исто така ќе помогне. Го измива маслото од кромид што се заглавува на јазикот или забите, а ако не сте љубител на зелен чај, изберете нане.
Лимонада
Свеж лимон исцеден во вода без додаден шеќер е одличен за отстранување на мирисот на кромидот. Ако имате при рака неисцеден лимон, подобро е да изрендате кора од лимон во лимонадата, па ефектот ќе биде подобар.
Магдонос
Листовите од магдоносот имаат силна и свежа арома, а нивната интензивна зелена боја, која укажува на изобилство на хлорофил, е најдобриот природен борец против непријатниот здив. Има и антибактериски својства.
Јаболка
Јаболката се најдобри пријатели на здравјето на усната шуплина бидејќи ги чистат забите и го освежуваат здивот. Експертите тврдат дека сите намирници кои имаат висока содржина на влакна добро делуваат против непријатниот мирис.
Четки и специјална течност за измивање на усната шуплина
Покрај горенаведените намирници, за да го отстраните мирисот на кромидот задолжително измијте ги забите, исчистете ги со забен конец и исплакнете ја устата со специјална течност за измивање на усната шуплина. На овој начин ќе бидете сигурни дека останува само неговото позитивно влијание врз здравјето, додека единствениот негативен несакан ефект – непријатниот мирис – се елиминира.
