пред 3 месеци Ирската нискобуџетска авиокомпанија „Рајанер“ може да ги зголеми цените на билетите ова лето 10 отсто на годишно ниво поради недостиг на авиони, изјави извршниот директор на компанијата, Мајкл О’Лири.
Тој рече дека проблемите со испораките на авионите „боинг“ и „ербас“ ќе го ограничат капацитетот за превоз на патници и тоа ќе се одрази на поскапувањето, пренесува „Скај њуз“.
„Нашите просечни цени на авионските билети се зголемија 17 отсто на годишно ниво во летото 2023 година, а тие повторно ќе се зголемат во летото 2024 година“, објави Мајкл О’Лири.
„Рајанер“ во моментот верува дека цената на авионските билети ова лето ќе се зголеми меѓу пет и 10 проценти на годишно ниво.
„Може да биде повисоко од тоа, може да биде пониско од тоа, навистина не знаеме“, рече О’Лири.
„Рајанер“ првично предвиде дека ќе превезе 205 милиони патници во фискалната година што завршува на крајот на март 2025 година.
Очекувањата сега се поскромни поради недостигот на авиони.
Со помалку авиони можеби ќе треба да ја намалиме таа бројка на 200 милиони патници или дури и под тоа, предупреди Мајкл О’Лири.
Текстот Цената на авионските билети ова лето има можност да се зголеми меѓу пет и десет проценти на годишно ниво е превземен од МАКФАКС.
Би можело да ве интересира
„Треба од срце да ги цениме и да им аплаудираме“ – иранскиот претседател ги пофали Хутите кои САД ги смета за терористи
Лукашенко: Мора да спречите каков било напад врз Русите
Чернобил падна – Русија ја презеде украинската нуклеарна централа
Свинска глава обесена на врата од џамија во Германија
Бајден пред состанокот со Путин: Тој знае дека нема да се воздржувам во одговорите
Најмалку 12 загинати во воздушнитe напади на Газа, срушена е и џамија
