Сеќавање: 6 години без легенда на македонското спортско коментаторство Ивко Панговски

Ивко Панговски е роден на 20 јули 1931 година во Галичник. Тој беше познат македонски спортски новинар, радиорепортер и стенограф, сметан за легенда на македонското спортско (фудбалско) коментаторство.

Од весникот „Единство“, тој преминал (1948) во Радио Скопје, каде што останал до пензионирањето (1989). Спортски репортер со препознатлив глас и стил во преносите, особено на фудбалските натпревари. Објавил повеќе трудови од историјата на македонскиот спорт.

Гласот на Ивко Панговски е тема на краткиот расказ „Не сум радио!“ на македонската писателка Оливера Ќорвезироска од 2021 година.

Починал во Скопје на 28 март 2019 година.