Министерот за земјоделство, шумарство и водостопанство Љупчо Николовски е добитник на „Пехар на хуманоста“ за 2022 година, признание од ОО Црвен Крст Крива Паланка.
-Голема чест за мене е што токму на Меѓународниот ден на волонтерството добив значајно признание и пехар на ХУМАНОСТА за 2022 година. Љубовта, хуманоста, солидарноста и човечноста се богатство, она што е навистина вредно, и суштинско во животот. Да си помагаме, да се поддржуваме и да подаваме рака секому. Јас знам дека секогаш несебично и со радост ќе дарувам и давам поддршка на секого. Ви благодарам Црвен Крст Крива Паланка, порача министерот Николовски.
Инаку, вчера Николовски заедно со сопругата ја продолжија својата хумана мисија. Тој ги донираше годишните дневници на Country side, хуманитарна организација.
