Иран го претстави првиот хиперсоничен балистички проектил, западните земји загрижени

Иран го откри она што официјалните лица го опишаа како прва хиперсонична балистичка ракета од домашно производство, објави агенцијата ИРНА, во потег кој најверојатно ќе ја зголеми загриженоста на Западот за ракетните способности на Техеран.

Иранските државни медиуми објавија фотографии од проектилот, наречен Фатах, на церемонија на која присуствуваа претседателот Ебрахим Рахиси и командантите на елитната иранска Револуционерна гарда.

Хиперсонични проектили можат да летаат со брзина најмалку пет пати поголема од брзината на звукот и на сложени траектории, што го отежнува нивното пресретнување. Минатата година Исламската Република објави дека произвела хиперсонична балистичка ракета која може да маневрира во и надвор од атмосферата.

Државната телевизија објави дека иранската ракета Фатах може да ги погоди „напредните противракетни системи на непријателот и е голем генерациски скок во областа на ракетите“.

„Може да ги заобиколи најнапредните антибалистички ракетни системи на САД и ционистичкиот режим, вклучувајќи ја и израелската железна купола“, соопшти иранската државна телевизија. Максималната брзина на Фатах достигнува 14 мах (15.000 км/ч), се додава.

И покрај противењето на САД и Европа, Исламската Република рече дека ќе продолжи да ја развива својата програма за ракетна одбрана. Но, западните воени аналитичари велат дека Иран понекогаш ги преувеличува своите ракетни способности.

Загриженоста за иранските балистички ракети придонесе за одлуката на тогашниот американски претседател Доналд Трамп во 2018 година да се повлече од нуклеарниот договор потпишан во Техеран во 2015 година со шестр големи светски сили.

Индиректните преговори меѓу Техеран и администрацијата на американскиот претседател Џо Бајден за спас на нуклеарниот договор, се во застој од септември минатата година.

Хјундаи во наредните три години ќе инвестира 47 милијарди евра, пред сѐ за електрични возила

Компанијата Хјундаи денеска објави дека ќе инвестира 68 трилиони вони (околу 47 милијарди евра) во текот на три години во Јужна Кореја, главно за да го зголеми производството на електрични возила (ЕВ) и да вработи 80.000 нови работници во секторот.

Јужнокорејската компанија наведува дека повеќе од половина од таа инвестиција ќе биде наменета за електрични возила, односно за нова истражувачка и развојна инфраструктура, како и производствени линии, пренесе Ројтерс.

Агенцијата забележува дека зголемувањето на инвестициите се случува во време кога другите етаблирани производители на автомобили го намалуваат производството.

Главниот оперативен директор на Hyundai, Хозе Муњоз, на саемот за автомобили во Њујорк најави дека бројот на електрични возила ќе се удвои.

„Многу сме посветени на пазарот на Соединетите Американски Држави“, истакна тој.

Hyundai во ноември објави дека инвестира 11,6 милијарди евра во нови посебни капацитети за производство на електрични возила и батерии во Грузија, што е најголема инвестиција надвор од Јужна Кореја.

Додека јужнокорејската компанија ги зголемува инвестициите во електрични возила, конкурентските производители на автомобили планираат да го намалат производството на ЕВ и да го префрлат капиталот главно на хибридни модели.

Руски воен авион се урна во близина на Крим

Руски воен авион денеска се урна во морето во близина на кримското пристаниште Севастопол, изјави гувернерот на регионот назначен од Русија.

„Пилотот безбедно се катапултирал и бил спасен. Цивилни објекти не се оштетени“, изјави гувернерот на Севастопол, Михаил Развозаев, пренесува Ројтерс.

Претходно руските канали Телеграм објавија дека руски борбен авион Су-35 се урнал во близина на Севастопол.

Не е јасно како дошло до инцидентот.

Таравари на панел дискусијата за интеграција на лицата со попреченост

Претседателот на Алијансата за Албанците и кандидат за претседател од коалицијата ВРЕДИ, Арбен Таравари, заедно со претседателот на Движењето Беса, Билал Касами, учествуваа на важна панел дискусија .

Претседателот на Алијансата за Албанците и кандидат за претседател од коалицијата ВРЕДИ, Арбен Таравари, заедно со претседателот на Движењето Беса, Билал Касами, учествуваа на важна панел дискусија за интеграцијата на лицата со попреченост во општеството.

На панел дискусијата се разговараше за потребите и барањата на оваа значајна категорија.

Темата за интеграција на лицата со попреченост во општеството е многу важно прашање за кое е важно да се има широка свест и соработка на општествено и политичко ниво, а учеството на Таравари на овој панел ја покажува неговата посветеност да се справи со проблемите со кои се соочуваат оваа категорија лица и да се промовира поинклузивно и еднакво општество за сите.

Покрај дискусијата за потребите и барањата на лицата со попреченост, важно е оваа дискусија да води кон конкретни акции и политики ориентирани кон нивна поддршка, се наведува во соопштението.

притисни ентер