Судот во Басман во Москва го уапси дванаесеттиот обвинет во случајот со терористичкиот напад во „Крокус сити хол“, Џумохон Курбонов.
„Барањето на истрагата е испочитувано, а против обвинетиот Курбонов е одредена превентивна мерка притвор до 22 мај“, ја соопшти одлуката судијката Евгенија Николајева.
Во документот објавен на каналот Телеграм на московските судови од општа надлежност, се наведува дека напаѓачот е одговорен за комуникацијата на терористот, пренесува РИА Новости.
„Истрагата утврди дека Курбанов учествувал во обезбедувањето средства за подготовка на терористички акт, вклучително и обезбедување телекомуникациски средства за членови на организирана група и нивно систематско плаќање“, се наведува во документот
Курбанов на 11 април беше приведен за „ситно хулиганство“, а пред судот се изјасни дека „не го нарушил јавниот ред и не употребил непристојни зборови“, по што беше ослободен.
145 лица загинаа во пукотницата и пожарот во концертната сала „Крокус Сити Хол“ во Красногорск, предградие на Москва, вечерта на 22 март.
Досега се уапсени 12 осомничени, меѓу кои и четворица државјани на Таџикистан, кои според рускиот истражен комитет биле директни извршители на терористичкиот напад.
Во Дагестан се приведени четворица странци кои учествувале во финансирање и обезбедување оружје на криминалци.