Кинески BYD го изложи Ocean M на автосалонот во Пекинг, електричен хечбек кој ќе се појави на пазарот оваа година како конкурент на моделите како што се MG4 и Volkswagen ID.3.
Ocean M ќе започне да се произведува во Кина на крајот на летото, но серискиот модел веројатно нема да изгледа толку агресивно како оваа негова концептна верзија прикажана во Пекинг. Концептната верзија има голем преден спојлер, истакнати прагови, висок заден спојлер и дифузер во стилот на GT3.
Сепак, Ocean M ќе седи помеѓу Dolphin и Seal во опсегот на BYD, а компанијата вели дека ќе биде изграден околу нова електрична архитектура.
Според некои извори, серискиот автомобил подоцна би можел да добие вистинска хот хеч верзија која ќе има погон на задните тркала.
Податоци за моќноста, батериите и опсегот засега не се објавени.
Серискиот модел ќе чини меѓу 150.000 и 200.000 јуани во Кина (од 19.350 до 25.800 евра), а наводно има шанси автомобилот да се појави и во Европа.