Грција зафатена од прашина од Сахара, најизразена во јужниот дел на Пелопонез
- Прашина од Сахара денеска ја зафати Грција, а појавата беше најизразена на полуостровот Пелопонез, особено во јужниот дел и градот Каламата, јави дописничката на МИА од Атина.
Атина, 23 април 2024 (МИА) – Прашина од Сахара денеска ја зафати Грција, а појавата беше најизразена на полуостровот Пелопонез, особено во јужниот дел и градот Каламата, јави дописничката на МИА од Атина.
Поради големата концентрација на африканска прашина, небото ја промени бојата во жолто-портокалова, а локалните медиуми од Каламата коментираат дека градот денеска повеќе наликува на Каиро или Дубаи.
Сахарската прашина денеска ја зафати и Атина, но со помал интензитет во споредба со јужните делови на Грција.ср/