Зинедин Зидан ја одби понудата од Баерн Минхен за преземање на клубот во јуни, по крајот на соработката со Томас Тухел.
Клубот од Минхен досега го одбија Чаби Алонсо, Јулијан Нагелсман и Ралф Рангник, а вчера тоа го соопшти и Зинедин Зидан кој присуствуваше на трката за Големата награда на Мајами во Ф1 шампионатот.
На директно прашање на новинар дали ќе го преземе Баерн Минхен, Зидан одговори:
„Не. Но, ќе го гледам нивниот натпревар со Реал Мадрид“.
Реал и Баерн во среда во Мадрид ќе го играат реванш полуфиналниот натпревар од Лигата на шампионите. Првиот меч во Минхен заврши без победник, 2-2.
„Се надевам дека Реал ќе победи, но тоа ќе биде тежок, комплициран меч“ – дополни Зидан.
Serás entrenador del Bayern en el futuro?
Zinedine Zidane: “No. Voy a ver el partido, espero que el Real Madrid gane”.
ZINEDINE ZIDANE 🤍
pic.twitter.com/CoNBdCmuPp— MT (@MadridTotal_) May 5, 2024
Но, како што пренесуваат германските медиуми, од Баерн Минхен сега се вртат кон актуелниот стратег на Манчестер јунајтед, Ерик тен Хаг. Веќе стапиле во контакт со менаџерите на холандскиот стручњак, реализирани се првични разговори, а деталните преговори се очекуваат по полуфиналето на тимот во ЛШ.
Инаку, Тен Хаг во својата кариера беше две години тренер на вториот тим на Баерн Минхен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
