Академијата за судии и јавни обвинители ја чека вчерашната одлука на Антикорупциска околу конкурсот за слушатели на академијата, за да поднесе тужба до Управен суд.
Вчера, ДКСК повторно одлучи дека Академијата ги крши законите со тестирање на кандидати во изборен процес, по приговорот на кандидатката за претседател на ВМРО-ДПМНЕ, Гордана Силјановска Давкова.
Тоа е идентична одлука, која претходно падна на Упавен суд. Вчера,
Во образложение на одлуката, претседателката на комисијата Татјана Димитровска наведе дека комисијата е на ставот дека кандидатите во Академијата се во работен статус, и не смее да се врши селекција бидејќи со тоа се крши изборниот законик.
Според одлуката на Антикорупциска, Академијата за судии и јавни обвинители треба да го запре процесот на селекција и тестирање на кандидати до завршување на изборниот процес.
Претседателката на академијата, Наташа Габер Дамјановска рече дека не станува збор за двојно вработување, бидејќи кандидатите земаат плата од академијата, но ќе работат на друго место, и дека доколку не поминат било која фаза од селекцијата, договорот престанува и тие се должни да ги вратат парите.
Академијата треба да ја поднесе тужбата во рок од 24 часа.