Се очекува оваа година да видиме големи промени во дизајнот на линијата на iPhone.
Очигледно, според протечените информации, iPhone 17 Air, како и iPhone 17 Pro и Pro Max ќе имаат малку поинаков дизајн. Стандардниот модел ќе го задржи стариот дизајн, како што засега стојат работите.
Дополнително, Apple би можел да го промени материјалот што го користи во изградбата на четирите нови модели на iPhone, а исто така ќе ги зголеми брзините на нивното жично полнење.
Apple iPhone 17 Air ќе го замени сегашниот модел Plus во новата генерација. Наместо алуминиумска рамка, треба да користи титаниум, според аналитичарот Џеф Пу.
Титаниумот е потежок и поскап од алуминиумот, но исто така е појак и поиздржлив. Моделот Air би требало да биде тенок само 5,5 милиметри, па Apple одлучи да го замени алуминиумот со титаниум за да го направи телефонот поотпорен на виткање.
Што се однесува до другите модели, iPhone 17, 17 Pro и 17 Pro Max ќе имаат алуминиумски рамки. Тоа е голема промена, имајќи предвид дека претходните модели на користеле титаниум (а пред тоа, нерѓосувачки челик).
Една од причините за враќањето на Apple кон алуминиумот е тоа што тој е поеколошки од титаниумот и има помала јаглеродна трага. Серијата iPhone 17 би можела да биде првата „јаглеродно неутрална“ телефонска линија на Apple.
Што се однесува до другата голема промена на која посочува аналитичарот, сите четири модели на iPhone 17 ќе поддржуваат полнење од 35 W, што е зголемување од 30 W за серијата iPhone 16.
