Лионел Меси продолжува да биде незадржлив во МЛС и го предводеше Интер Мајами до уште една победа во првенството. Тимот на Меси со убедливи 6:2 на свој терен го победи Њујорк, иако на полувреме гостите водеа со 1:0.
Во вториот дел се случи вистинско шоу, а секако главен креатор беше Меси. Аргентинскиот виртуоз даде еден гол, а имаше и неверојатни шест асистенции, па на крајот Мајами славеше со високи 6:2.
In Case you guys Missed, here's all the 5 Assists made by Lionel Messi today 💫pic.twitter.com/kbEEjVgbGm
— ACE (fan) (@FCB_ACEE) May 5, 2024
Покрај Меси, блесна и Луис Суарес кој постигна хет-трик, а имаше и една асистенција и тоа за голот на Меси. Одличен беше и Рохас кој влезе во второто полувреме и успеа да постигне два гола.
„Сите голови беа важни, но Меси вечерва направи нешто историско. Даде гол, а имаше и пет асистенции. Секако не смее да се заборави и дека Суарес постигна три гола, а одличен беше и Рохас со два погодоци“, по мечот задоволно коментираше тренерот на Интер Мајами, Тата Мартино.
Lionel Messi goals are inevitable! 🚨
The first player to 10 goals this season puts @InterMiamiCF on top. pic.twitter.com/GuUEShfmdb
— Major League Soccer (@MLS) May 5, 2024
По 11 одиграни меча во сезоната, Меси е со неверојатен биланс од 12 погодоци и 11 асистенции што преставува апсолутен рекорд. На последните шест дуели, Аргентинецот постојано дава барем по еден гол и има најмалку една асистенција, нешто то секако никогаш претходно не му успеало на ниту еден друг фудбалер во МЛС.
