Гостивар
Половина век од матура на третата генерација машинци од „индустриско“ Гостивар: Многу учевме и имавме слога!
Од училишните клупи на средното техничко училиште во Гостивар излегле во далечната 1973 година, а денес повторно седнаа во столчињата од своите средношколски денови на класен час, со кој одбележаа 50 години од матурирањето.
Со позитивна енергија, насмеани и среќни што имаат прилика да се видат и дружат, „златните матуранти“ најпрво се собраа во училишниот двор, разменија поздрави и прегратки, споделија спомени од времето кога учеле заедно, зборнаа за својот сегашен живот, си кажаа и по некоја шега, а по заедничката фотографија пред школскиот објект одржаа класен час…
„Ние сме третата генерација машинско од училиштето „Злате Малаковски“ и во тоа време, кога учевме овде имаше само една зграда. Може да кажам дека бевме многу добар клас, навистина учевме и понатаму скоро сите завршија факултет, најголемиот дел машински инженери по струката. Имаме многу убави спомени од средношколските денови, но најмногу се сеќаваме на екскурзијата што ја направивме низ тогашна Југославија во втора година. Ја поминавме цела Југославија заедно, ги видовме сите знаменитости, тоа беше убаво доживување наше заедничко“, рече Жарко Бибовски, од иницијативниот одбор за прослава на матурскиот јубилеј.
Класот броел 37 ученици, а класен раководител им бил Никола Гајдаџиев, кој денес живее во Дојран и за жал беше спречен да присуствува на јубилејот. Во класот десетина биле девојки, што не било баш вообичаено за струката во тоа време. Дел од дамите денес беа на прославата и со големо задоволство се потсетија на тогашните времиња.
„Многу ми е мило што после толку години поминати еве се гледаме повторно, се дружиме. Бевме многу убаво друштво, многу убав клас и многу учевме и имавме голема слога меѓу себе. Тие години како сме ги поминувале заедно и после толку време не се заборава. А се дружевме и машки и женски. Инаку ние бевме клас со најмногу женски во однос на другите.“, кажа Славка Манасиевска.
На класниот час присутните со едноминутно молчење им оддадоа почит на школските другари кои веќе не се меѓу живите.
Прославата на пет децении матурирање генерацијата ја продолжи на заедничка боемска веселба.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар