Душко Ивановиќ ќе остане на клупата на Виртус Болоња и во наредната сезона откако раководството на италијанскиот вицепрвак постигна договор за продолжување на соработката со искусниот стручњак.
Ивановиќ пред неколку месеци дојде на чело на италијанскиот клуб откако отказ доби Лука Банки, а интересно е што минатата седмица беше најавувано дека тој би можел да го напушти кормилото, по поразите од Макаби и од Црвена Звезда. Сепак, ситуација во меѓувреме се промени, а црногорскиот стратег ја доби довербата на клупските челници и денеска потпиша нов договор со важност до јуни 2026 година.
Виртус Болоња денеска објави и дека добиле покана да потпишат тригодишен договор со Евролигата, но за превисока сума што ја бара елитното европско натпреварување. Преговорите околу висината на годишната „членарина“ во Евролигата продолжуваат, а заедно со Виртус Болоња идентични договори се очекува да потпишат и српските клубови Партизан и Црвена Звезда.
𝐃𝐔𝐒𝐊𝐎 𝐀𝐍𝐂𝐎𝐑𝐀 𝐂𝐎𝐍 𝐍𝐎𝐈
Coach Dusko Ivanovic rinnova e sarà ancora il nostro allenatore anche per la prossima stagionepic.twitter.com/WaG9lAFDgo
— Virtus Segafredo Bologna (@VirtusSegafredo) April 2, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
