Цената на среброто во последните 25 години постојано се зголемува. За 25 години скокна за цели 575 отсто, а аналитичарите проценуваат дека овој благороден метал ќе биде се попривлечен за инвестирање и дека среброто е се пораспространето во индустриското производство, што дополнително ќе ја зголеми побарувачката за овој благороден метал.
Една унца сребро на почетокот на милениумот чинела околу 4 долари, додека денес вреди 27 долари. Тоа значи дека некој што тогаш инвестирал 1.000 евра денес би имал дури 5.750 евра повеќе. Аналитичарите предвидуваат светла иднина за овој благороден метал, иако засега тој е многу помалку застапен во инвестициите отколку златото.
Среброто е сè поважно во индустриското производство, дека се користи во многу современи производи и дека речиси сите електрични производи, како паметните телефони или компјутерите, содржат сребро, вели економскиот аналитичар и деловен советник Зоран Павловиќ за Бизлајф.
Тој додаде дека може да се очекува натамошен раст на цената на среброто во наредните години, во согласност со зголемената потреба од современи технологии за оваа суровина и дека соларните панели, батериите за електрични автомобили и многу други производи во т.н. „зелената револуција“ го содржат овој благороден метал.
Сето ова укажува дека индустриската побарувачка за сребро ќе се зголеми во наредните години.
