Вчера во Битола гласаа болни и изнемоштени лица, лица од затворот и од старскиот дом „Сју Рајдер“.
Од пријавени 224 болни и изнемоштени лица, на вчерашниот ден и за двата избори гласале вкупно 221 лица.
100 лица биле пријавени за гласање во затворот во Битола. Од нив 77 лица гласале за претседателските избори, а 82 лица за парламентарните.
Во домот за стари лица „Сју Рајдер“ од 65 пријавени лица, гласале 57 и за двата избори.
Претседателот на Општинската изборна комисија Игор Талевски вели дека утрово сите гласачки места навреме биле отворени и без никакви проблеми во првите час и половина од изборниот процес.
