Тања Фајон итно примена во болница поради воспаление на бубрег

Министерката за надворешни работи на Словенија – Тања Фајон е примена на лекување во љубљанската болница поради воспаление на бубрегот.

Министерот на Словенија, според информациите, се чувствува добро, а најверојатно ќе остане во болница неколку дена, пренесува порталот 24.ur.

Тања Фајон беше хоспитализирана поради лоша состојба во неделата попладне на 25 февруари, откако се врати од Њујорк, каде што беше во петокот на 23 февруари.

Таа во САД присуствуваше на седницата на Генералното собрание на Обединетите нации и Советот на Обединетите нации по повод втората годишнина од руската агресија врз Украина.