Во акциска контрола на територијата на Република Македонија полицијата изрече 34 прекршоци на возила со кои се врши јавен превоз на патници, од кои 23 поради неисправен уред за запирање.
– Упатени на вонреден технички преглед биле 181 автобус и други возила кои вршат јавен превоз на патници. За време на контролата констатирани и законски санкционирани се и 159 други видови на сообраќајни прекршоци – велат од МВР.
Сообраќајните контроли продолжуваат и во наредните денови. Оттаму апелираат до сите учесници во сообраќајот да ги почитуваат сообраќајните правила и прописи за да се зголеми безбедноста во сообраќајот.
– Навремено да се проверува техничката исправност на возилата и навремено да бидат отстранети евентуалните недостатоци – информираат од МВР.