Англискиот „Ливерпул“ го воспостави првиот контакт со тренерот на германскиот Баер Леверкузен Чаби Алонсо, објави денеска новинарот, Санти Ану на социјалната мрежа Икс (поранешен Твитер).
Според него, „црвените’ разговарале за можното назначување на Алонсо за главен тренер за наредната сезона. Шпанскиот специјалист не е против преговори но, неодамна изјави, дека нема да брза со одлуката.
Познато е дека сегашниот тренер на Ливерпул, Јирген Клоп, потврди дека ќе го напушти кормилото на крајот на сезоната.