Спорт
Барселона дома против ПСЖ, „жолтиот ѕид“ го чека Атлетико
Вечерва по одигрувањето на реваншите во Барселона и Дортмунд ќе биде формирана првата полуфинална двојка во Лигата на шампионите. На програмата се четвртфиналните реванши меѓу Барселона и ПСЖ (3:2) односно Борусија Дортмунд и Атлетико Мадрид (1:2).
Пред дуелот со ПСЖ, Барселона во саботата го совлада Кадиз со минимален резултат, а стрелец беше Жоао Феликс, додека ПСЖ немаше обврски за викендот.
Избраниците на Луис Енрике имаа малку повеќе време за одмор и подготовка за натпреварот во Шпанија.
Шпанскиот првак десет години чека на нов трофеј во Лигата на шампионите, а толку време мина откако го играа последното финале.
Чави Ернандез би можел да си замине од Барселона на триумфален начин, со титула во Лигата на шампионите.
“Имаме одлична можност како клуб. Играме дома, тоа е голем фактор во наша корист. Може да има магични ноќи во „Монжуик“ какви што имаше на „Ноу Камп“. Имам чувство дека овој натпревар ќе биде сличен како првиот, но да не шпекулираме. Тие ќе не притиснат, а ние ќе треба да најдеме простор и да ја покажеме нашата сила и да се пласираме во полуфиналето“, вели Чави.
Од друга страна, ПСЖ, никогаш не ја освоил ЛШ, а со оглед на тоа дека трансферот на Килијан Мбапе во Реал Мадрид е речиси сигурен на крајот од сезоната, ова е негова последна шанса да го освои елитното натпреварување со „свеците“.
Ќе видиме дали ПСЖ има сили за пресврт. Да потсетиме, Барселона во сезоната 2017 успеа да надмине негатива од четири гола и да се пласира понатаму.
Според аналитичарите, Барселона е благ фаворит пред овој дуел.
Победникот од овој дуел ќе се соочи со подобриот двомеч Борусија Дортмунд-Атлетико Мадрид.
Дортмунд не успеа да се пласира во полуфиналето на Лигата на шампионите откако Јирген Клоп беше тренер во 2012/13 година.
Од друга страна, Атлетико гна почуфинале чека од сезоната 2016/2017 кога во полуфиналето загуби од Реал.
Сезонава изгледаат добро во ЛШ, дожиеаја само еден пораз, во претходната рунда од Интер во Милано.
Борусија се надева дека главниот адут ќе им биде домашниот терен. Покажаа дека сезонава можат да се борат на свој стадион и против поголеми противници. Главен показател е ремито со Милан и ПСЖ, како и победата против Њукасл и ПСВ во осминафиналето (2:0).
Пред овој дуел тие ја совладаа Борусија во Менхенгладбах со 2:1.
Од друга страна, Атлетико беше сигурен против Џирона (3:1) во малото дерби на Ла Лига.
Борусија во овој натрпевар ќе биде без повредениот Себастијан Але, додека Атлетико во Дортмунд допатува без суспендираниот Самуел Лино и повредениот Мемфис Депај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јунајтед го контактирале тренерот на Ипсвич
Манчестер јунајтед интензивно бара замена за менаџерот Ерик тен Хаг. Холанѓанецот не бележи резултати какви што се очекуваа. Медиумите шпекулитаа со имињата на неговиот наследник
Изненадувачки, според англиските медиуми фаворит е Киеран Мекена, 38-годишниот менаџер на Ипсвич, тимот кој со голем стил го внесе во Премиер лигата.
Островските медиуми пренесуваат дека челниците на Манчестер јунајтед деновиве стапиле во контакт со менаџерот на младиот стручњак.
Интересно е што Мекена беше дел од стручниот штаб на Манчестер јунајтед во периодот од 2016 до 2021 година, од каде замина да работи во Ипсвич.
Оттогаш бележи само одлични резултати, Ипсвич за само две години успеа од третиот ранг да стигне до Премиер лигата.
Желбата на Ипсвич е дефинитивно да го задржи селекторот од Северна Ирска.
Исто така, Мекена се поврзува и со Брајтон, во случај Роберто де Зерби да го напушти клубот.
Спорт
Реал Мадрид урна еден клупски рекорд и израмни уште еден
Реал Мадрид со победа од 5:0 постави клупски рекорд по бројот на одиграни натпревари без примен гол во натпреварот од 36. коло на шпанскиот шампионат. До крајот на сезоната има уште два првенствени натпревари, а со тоа и можност рекордот да биде подобрен. Исто така, играчите на Реал го израмнија рекордот по број на последователни првенствени натпревари без пораз.
Досегашниот рекорд на 122-годишниот европски гигант беше 19 првенствени натпревари без примен гол. Толку пати играчите и голманите на Реал ја зачуваа својата мрежа во сезоните 1986/87, 1987/88. и 2019/20.
На две кола пред крајот Реал има скор од 29 победи, шест нерешени и еден пораз. Тој пораз од 1:3 беше претрпен на почетокот на сезоната од Атлетико Мадрид во септември.
Потоа врза 30 натпревари без пораз.
Реал последен пат имаше ваква серија во 1989 година. Тој во моментов е во серија која беше изградена на 24 победи и шест нерешени која беше клучна за 36-та титула на Реал во шпанската лига.
Спорт
Сензација во Купот на Романија – второлигашот го освои трофејот
Романскиот второлигаш Корвинул Хунедоара е сензационален освојувач на Купот на таа земја и следната сезона ќе игра во квалификациите за Лига Европа.
Корвинул во финалето го совлада Оцелул Галати од првата лига по подобро изведување пенали (3:2). Во регуларниот дел од натпреварот резултатот беше 2:2.
Два гола за Оцелул постигна Aнес Рушевиќ во 27. и 58. минута од пенал, и двата пати за водство на фаворитот.
Сепак, упорните играчи на Корвинул одбија да го кренат белото знаме, Коман израмни на 1:1, па Манолас на 2:2.
Овој клуб е основан во 1921 година, четири пати во својата историја бил првак во втора лига, најдобар резултат во романскиот шампионат му е третото место во 1982 година, а сега е сопственик на првиот трофеј.
Успехот во купот на Корвинул му донесе пласман во Лига Европа.
Корвинул следната сезона ќе игра во првата лига, откако во последното коло од второлигашкиот плеј-оф успеа да избори место во највисокиот ранг на романскиот фудбал.