Најдобриот фудбалер на ПСЖ, Килијан Мбапе, од следната сезона ќе настапува во Ла Лига. Барем такви се очекувањата, со оглед на тоа дека договорот со „светците“ му истекува налето, а неговиот следен клуб ќе биде Реал Мадрид. Французинот вечерва имаше можност да почувствува како е да се игра против екипа од Ла Лига, но и како е да бидеш чуван од младиот мегаталент на Барселона, Пау Кубарси.
17-годишниот дефанзивец на „каталонците“ вечерва само вторпат настапи во Лигата на шампионите, откако дебитираше на реваншот против Наполи и го воодушеви фудбалскиот свет, а вечерва одигра нова фантастична партија и тоа против еден од најдобрите фудбалери на денешницата, Килијан Мбапе.
Mbappé vs. 17-yeard old Pau Cubarsí:
– 0 shots on target
– 3/12 duels won
– 1/4 dribbles completed pic.twitter.com/0WuvIEuOva— Barça Universal (@BarcaUniversal) April 10, 2024
Фудбалерот на ПСЖ во текот на целиот натпревар не успеа да упати ниту еден удар во рамките на противничкиот гол, доби само три од 12-те дуели против младиот каталонец, а од четирите дриблинзи, само еднаш мина крај одличниот Кубарси.
Според прикажаното вечерва, очигледно Мбапе ќе мора подобро да се подготви за предизвиците во Ла Лига следната сезона, со оглед на тоа дека шпанското првенство е далеку поквалитетно од француското.