Поранешната прва дама Меланија Трамп денеска ќе присуствува на настан за собирање финансиски средства за републиканците „Log Cabin“, организација на републикански членови на ЛГБТ заедницата.
Настанот на имотот Палм Бич во Флорида што Меланија го дели со нејзиниот сопруг, поранешниот претседател Доналд Трамп, треба да се одржи зад затворени врати и ќе биде нејзиниот прв голем политички настан оваа година. Според АП, Меланија најавува учество во изборната кампања на нејзиниот сопруг, републиканскиот претседателски кандидат, Доналд Трамп.
Членовите на Log Cabin Републиканците ја опишаа организацијата на нивната веб-страница како „најголема застапеност на ЛГБТ конзервативците и хетеросексуалните сојузници кои ја поддржуваат правичноста, слободата и еднаквоста за сите Американци“.
Меланија Трамп беше специјален гостин и добитник на наградата Spirit of Lincoln за 2021 година на вечера во Мар-а-Лаго, резиденцијата во сопственост на Доналд Трамп.