Генеративната вештачка интелигенција им овозможи на многу луѓе да ја забрзаат и поедностават својата работа, да ја запознаат новата технологија, но и да истражуваат некои теми кои, можеби, дотогаш ги плашеле.
Но, како употребата на вештачка интелигенција ќе влијае на иднината на човештвото? Ако се праша потпретседателот за производи за широка потрошувачка на OpenAI, Питер Денг, вештачката интелигенција „ќе не направи почовечни“.
За време на посетата на конференцијата South by Southwest u Austinu (Тексас, САД), Денг призна дека го користи популарниот ChatGPT како „мисловен партнер“ за да разговара и да дискутира за идеи.
ChatGPT е неисцрпен соговорник, за разлика од родител кој се изморува да прашува „зошто“ или партнер кој попрво би спиел отколку да ги слуша вашите размислувања, истакна Денг.
Тој го спореди користењето на алатки за вештачка интелигенција со користење на калкулатор. До пронаоѓањето на калкулаторот, луѓето се фокусирале на пресметките што ги правеле рачно. Но, калкулаторот им овозможи да почнат да прават повисоки нивоа на математика, бидејќи едноставно повеќе не губат многу време на едноставни пресметки.
Дури и сега, наместо да губите време за потсетување на куп податоци, користете алатки како Google или бази на знаење, каде што можете да поставите прашање на повисоко ниво и да добиете одговор многу побрзо, истакна Денг.
Тој додаде дека верува дека вештачката интелигенција ќе биде толку револуционерна што ќе го турне човештвото кон повисоки нивоа на вештини.
Мислам дека, на некој начин, вештачката интелигенција ќе не ослободи да размислуваме за работите на повисоко ниво, ќе ни помогне да нурнеме подлабоко во проблемите, објасни Денг.
Тој е убеден дека вештачката интелигенција е толку моќна технологија што на човештвото ќе му донесе само добри работи.
Мислам дека на светот му треба флексибилна алатка која ќе му овозможи да ги отстрани пречките и да ги постигне целите што луѓето си ги поставуваат, а тоа би можело да се најде во вештачката интелигенција… Навистина верувам дека вештачката интелигенција стана забрзувач на нашите визии, рече Денг на крајот.
