Американскиот претседател Џо Бајден го потпиша законот за буџет, што рано утринава го изгласа Конгресот со големо мнозинство гласови, и истиот го оцени како инвестиција во Американците, во зајакнувањето на економијата и националната безбедност.
Демократскиот претседател го повика Конгресот да ги усвои и другите нацрт-закони што се заглавени во една од двата дома на Конгресот.
-Двопартискиот Закон за буџет што штотуку го потпишав ја одржува владата отворена, инвестира во американскиот народ и ја зајакнува нашата економија и националната безбедност, рече Бајден.
Сенатот, во кој демократите се мнозинство, го усвои Законот за буџетот со 74 гласа „за“ и 24 „против“.
Клучните федерални служби, вклучувајќи ги Стејт департментот, домашната безбедност, Министерството за правда и Министерството за финансии, ќе продолжат да се финансираат до 30 септември или до крајот на фискалната година.
Но, законот не вклучува финансирање на помошта, главно воена, за Украина, Тајван или Израел, што е содржано во друг документ за кој гласаше Сенатот, но мнозинството републиканци во Претставничкиот дом не даде зелено светло.