Машката кошаркарска репрезентација на САД на Олимписките игри во Париз ќе има многу силен тим, кој тешко дека ќе биде поразен од некого, па се чини дека не им бега златото.
Селекторот Стив Кер веќе знае 11 имиња кои тој ќе ги предводи во Париз, останува само уште едно празно место во ѕвездениот состав кој треба да ја врати гордоста по катастрофата на ланското Светско првенство, кога САД не освои медал.
Леброн Џејмс, Стеф Кари, Кевин Дурант, Џејсон Тејтум, Девин Букер, Ентони Дејвис, Џоел Ембид се дел од имињата кои треба да освојат златен олимписки медал. Сите играчи на списокот, со исклучок на центарот Ембид, веќе играле за САД на големите натпреварувања. Ембид, кој е роден Камерунец, сакаше да игра за Франција, но потоа се премисли и сепак се реши за САД.
