Инфлацијата во Велика Британија забави на 3,2 отсто во март, објави во средата Канцеларијата за национална статистика на земјата. Тоа беше малку повисоко од прогнозата на економистите анкетирани од „Reuters“, кои предвидуваа забавување до 3,1%. Сепак, има забавување во однос на 3,4 отсто пријавени во февруари.
Според националната статистика, најголемо влијание врз намалувањето на растот на цените имаа прехранбените производи, додека за зголемувањето придонесоа моторните горива.
Основниот индикатор, кој ги исклучува храната, енергијата, алкохолот и тутунските производи, беше 4,2% наспроти прогнозата од 4,1%, пренесува „CNBC“.
Инвеститорите гледаа на знаци на заладување на пазарот на трудот во Велика Британија оваа недела, при што невработеноста неочекувано се зголеми на 4,2% помеѓу декември и февруари. Во исто време, растот на платите без бонуси падна од 6,1% во јануари на 6% во февруари.
Во вторникот, гувернерот на Банката на Англија, Ендрју Бејли, рече дека видел „силни докази“ дека повисоките каматни стапки работат на скротување на темпото на раст на цените, кое значително се олади од врвот од 11,1% во октомври 2022-ра година. Сопствената прогноза на централната банка е за инфлацијата „накратко да падне“ до целното ниво од 2% во пролетта пред повторно да порасне благо.
Сепак, последните податоци веројатно ќе ги поттикнат шпекулациите дека инфлацијата е потврдоглава отколку што мислеа аналитичарите и дека првото намалување на стапката на АЦБ можеби нема да се случи толку наскоро.
Економистите и инвеститорите предвидуваат дека Банката на Англија ќе ги намали каматните стапки двапати од сегашните 5,25% во 2024-та година, со надеж дека монетарното олеснување ќе започне во август или септември.
