Циципас во два сета до трет триумф на Мастерсот во Монте Карло

Стефанос Циципас ја комплетираше одличната недела во Монте Карло со триумф во денешното финале против Каспер Руд.

Грчкиот тенисер победи на престижниот Мастерс кој се игра земјен терен, а до трофејот стигна во два сета и сто минути игра.

Циципас беше убедлив во првиот сет кој го доби со 6:1, а вториот донесе поинаков однос на силите и Руд конечно му парираше на својот противник.

Сепак, Норвежанецот не успеа да ги искористи своите шанси, односно брејк топки, па Циципас успеа да направи брејк во десеттиот гејм за 6:4 и победа на турнирот.

Циципас стигна до третиот трофеј во Монте Карло, а истите ги освои последните четири години на турнирот во кнежевството.

Гркот стана само петти играч кој освоил три или повеќе трофеи во Монте Карло, а досега тоа им успеало уште само на Рафаел Надал, Бјорн Борг, Илие Настасе и Томас Мустер.