Пропелерите на познатото париско кабаре „Мулен Руж“ синоќа се откачиле и паднале, соопшти француската противпожарна служба. Нема извештаи за повредени, соопштија пожарникарите, додавајќи дека нема опасност од натамошно уривање на ветерницата.
Засега не е познато зошто пропелерите на ветерницата се откачиле.
🇫🇷 FLASH – Les ailes du Moulin Rouge, dans le quartier de Pigalle, se sont effondrées cette nuit. Aucun blessé n’est à déplorer. (Le Parisien) pic.twitter.com/aS8zEHCuk6
— AlertesInfos (@AlertesInfos) April 25, 2024
Раководството на „Мулен Руж“ објави дека несреќа од ваков тип се случила за прв пат од создавањето на кабарето на 6 октомври 1889 година.
„Тоа се случи по затворањето, за среќа“, велат од раководството, додавајќи дека „секоја недела техничкиот персонал на кабарето го проверува механизмот на ветерницата и не е констатиран проблем“.
Единствената сериозна несреќа во „Мулен Руж“ била за време на реконструкцијата во 1915 година, кога кабарето било затворено девет години поради пожар.
