Во Германија во 2023 година имало 106.000 абортуси, 3,3 отсто повеќе од претходната година, објави во средата федералната канцеларија за статистика. Последен пат бројот на абортуси во една година бил поголем од 107.000 во 2012 година, пренесува германската новинска агенција (dpa).
Инаку, во периодот 2014-2020 година бројот на пријавени абортуси се движел помеѓу 99.000 и 101.000. Статистичарите велат дека не гледаат јасна причина за поголемиот број на абортуси минатата година.
Истовремено, 70 отсто од жените кои ја прекинале бременоста минатата година биле на возраст од 18 до 34 години, 19 отсто биле меѓу 34 и 39 години, а уделот на оние над 40 години бил осум отсто. Околу три отсто биле малолетни.
Малку повеќе од две петтини, 42 отсто, од жените кои ја прекинале бременоста веќе се породиле барем еднаш.
На огромното мнозинство од 96 случаи им претходеше правен совет. Имено, германскиот закон го криминализира абортусот во првите 12 недели од бременоста без стручен совет.
Меѓу индикациите за преостанатите четири проценти од случаите била бременост по силување.