Првата дама на Хрватска носи македонски накит, уникатен ѓердан од Ивана Кнез за сопругата на Милановиќ

Сопругата на хрватскиот претседател, Сања Мусиќ Милановиќ, носи накит дизајниран од македонската креаторка Ивана Кнез за насловната страница на магазинот „Убавина и здравје“. Таа е облечена во бела комбинација, дополнета со впечатливиот ѓердан од бисери. На насловната со неа се уште седум дами, меѓу кои и Северина и Јелена Вељача. Темата на бројот е „Жените на кои им се восхитуваме“.

„Имам особена привилегија што првата дама на Хрватска за декемвриската насловна страница на ‘Убавина и здравје’ повторно одбра накит со мој дизајн кој таа го поседува“, вели Ивана и ја објави фотката од насловната.

Не е првпат Мусиќ Милановиќ да носи накит од Кнез. Таа пред една година се сликаше во накит од македонската дизајнерка за насловната на „Глорија“, а претходно носеше уникатен црвен ѓердан на годишната изложба на хрватските архитекти. Првата дама на Хрватска е позната како љубител на необичен и впечатлив накит, со кој секогаш го привлекува вниманието во јавноста.

Scroll to Top