Претседателот на Турција, Реџеп Таип Ердоган објави порака по повод Денот на Европа, во која посочи дека политиката што ја спроведуваат некои европски институции и земји во контекст на кризата во Газа ја разниша вербата во европските вредности.
Ердоган изјави дека 9 мај, кога беше објавена декларацијата на Шуман, со која беа поставени темелите на европската интеграција, во Турција се доживува како „Ден на Европа“ од 1999 година, кога Анкара го доби статусот на кандидат за членство во Европската унија.
„Денот на Европа, 9 мај, не само што го означува почетокот на политичкото и економското единство на Европа, туку го означува и мирот и стабилноста кои се плод на децениските заеднички напори“, посочи тој.
Текстот Ердоган по повод Денот на Европа: Односот на некои земји кон кризата во Газа ја разниша вербата во европските вредности е превземен од МАКФАКС.