Денес во Europe House-Крива Паланка, со почеток во 15:00 часот, ќе биде отворена изложбата на фотографии од жени спортисти со наслов Жените и спортот.
Во пресрет на овогодинешните Олимписки и Параолимписки игри во Париз, првите игри на коишто адекватно ќе биде застапена родовата еднаквост со ист број на машки и женски спортисти, амбасадата на Франција им приреди омаж на врвните спортистки од Македонија преку изложба на фотографии од жени спортисти.
Овие жени, преку нивните достигнувања и посветеност се синоним за трите олимписки вредности: извонредност, почит и пријателство!
Повелете во Europe House Крива Паланка на Меѓународниот ден на жената.