Нетанјаху го разреши министерот за одбрана на Израел

535

Израелскиот премиер Бенјамин Нетанјаху денеска го разреши министерот за одбрана Јоав Галант, соопшти кабинетот на Нетанјаху.

Галант неодамна се изјасни против контроверзниот план на Нетанјаху за ремонт на израелскиот правосуден систем, објави Ројтерс.

Галант во саботата ја повика Владата да го прекине донесувањето на законот за измени во судството, велејќи дека жестокиот спор поврзан со овие мерки претставува опасност за државата.

Реформата во судството, предложена од министерот за правда Јарив Левин, ќе биде најрадикалната промена досега во израелскиот систем на владеење бидејќи ќе ги ограничи овластувањата на Врховниот суд, ќе и овозможи на владата да избира судии и ќе го прекине назначувањето правни советници во министерствата до јавниот обвинител.

Нетанјаху, кому му се суди за корупција, тврди дека неговиот план за реформирање на судството ќе ја унапреди демократијата. Во Израел со месеци се одржуваат граѓански протести против најавената реформа.