ОБСЕ и ОДИХР денот на изборите го оценија севкупно позитивен

Првиот круг од претседателските избори мина во фер и демократска атмосфера. Денот на изборите севкупно беше оценет позитивно при што во голема мера се почитуваа процедурите за гласање. Ова беа прелиминарните заклучоци на меѓународната набљудувачка мисија за изборите составена од претставниците на ОБСЕ/ОДИХР, и Советот на Европа изнесени на денешната прес конференција. Тие кажаа дека во текот на последните неколку недели имале бројни средби, каде што ги набљудуваа работата на изборните комисии, медиумската содржина работата на институциите и финансирањето на кампањите.