Премиерот на Албанија, Еди Рама со средба со францускиот претседател Емануел Макрон денеска ја почна дводневната посета на Париз.
Посетата на Рама на Франција, како што најавија од неговиот кабинет, е со цел на промоција на потенцијалот и позитивната клима во Албанија за странските инвестиции, како и билатерална соработка во сферата на технологијата и иновациите.
Предвидено е Рама и Макрон да потпишат неколку меѓувладини договори и меморандуми за разбирање меѓу двете земји.
Во делегацијата предводена од Рама се министерката за образование и спорт Огерта Манастирлиу, министерката за туризам и животна средина Мирела Кумбаро, министерот за економија, култура и иновации Бленди Гонџе, министерот за локална самоуправа Арбјан Мазнику, како и министерката за јавна администрација и антикорупција Адеа Пирдени.
