На книжевна резиденција во Скопје во првата половина од април престојува хрватската писателка Дора Шустиќ, а во рамки на резиденцијалната програма на издавачката куќа „Готен“, поддржана од европската мрежа за превод и книги „Традуки“.
Дора Шустиќ (1991, Риека) е писателка и сценаристка. Дипломирала политички науки во Љубљана и сценаристика на ФАМУ во Прага. Живеела во Истанбул, Берлин, Љубљана и Загреб, каде што во сега работи како сценаристка и развива свои филмски и книжевни проекти. Објавува кратки раскази, песни, новинарски текстови и есеи на хрватски, словенечки и англиски јазик. Нејзиниот дебитантски роман „Пци“, објавен во 2023 година, беше финалист за најзначајната награда за роман во Хрватска, наградата „т-портал“, а ја доби книжевната награда „Драго Герваис“.
На двонеделната книжевна резиденција во Скопје, Дора Шустиќ ќе работи на својот втор роман. Бидејќи во овој момент нејзиниот интерес е насочен на кореспонденцијата и како тема и како книжевна форма, во текот на својот престој ќе истражува разни епистоларни текстови.
