Потенцијалната конфискација на руски имот ќе ја уништи глобалната економија, во Европа сфаќаат тоа не смее да се направи, изјави претседавачката на Советот на Федерацијата на Русија, Валентина Матвиенко.
– Во принцип, ова ќе биде чекор без преседан во светската историја, кој едноставно ќе ја уништи глобалната економија. Тоа ќе ја уништи довербата во светската економија. И, се разбира, тоа е апсолутно нелегитимен, незаконски потег. А, во Европа сите разбираат дека тоа не смее да се направи – изјави Матвиенко во интервју со генералниот директор на меѓународната медиумска групација „Северна Русија“.
Таа, исто така, посочи дека Русија има подготвен одговор за заплена на суверен руски имот и дека сенаторите се подготвени без одлагање да го разгледаат соодветниот предлог-закон поврзан со одмазднички мерки. Според неа, Европејците знаат дека во случај на конфискација на руски имот, одговорот на Москва ќе биде остар и адекватен.
– Европејците ќе загубат повеќе од нас, и тие, се разбира, се плашат од тоа. Особено поради нивната економија во колапс – рече Матвиенко.
Во таа насока, таа потсети и на зборовите на рускиот претседател Владимир Путин упатени до Европејците – „денес ние, утре вие“.