Кој е најдобар омот на музички албум од 1990-тите е субјективно прашање. Ова е нашиот избор за некои од најдобрите омоти, избрани поради нивното значење, без некој посебен редослед.
Alice in Chains – Dirt (1992)
Омотот е направен во соработка помеѓу фотографот Роки Шенк (Rocky Schenck) и уметничката директорка на албумот, Мери Маурер. Бендот ја предложил идејата за жена која може да изгледа како мртва или жива. Моделот/актерката Мараја О’Брајан (Mariah O’Brien) која претходно била модел за синглот “Bitch School” на Spinal Tap била избрана како модел за албумот “Dirt”. Повеќе за омотот тука.
Korn – Life Is Peachy (1996)
Монохроматскиот омот на „Life Is Peachy“ прикажува младо момче со уредна фризура како си ја поправа вратоврската пред позлатено огледало, додека зад него се наѕира сенка. Фотографија на Мартин Ридл, концептот и дизајнот се на Скот Леберехт. Ова уметничко дело ја продолжува темата на ранливите деца прикажани во визуелната естетика на Корн.
Blur – Parklife (1994)
Првично планиран да се вика „Лондон“, на омотот на албумот требало да има корпа со овошје и зеленчук. Фронтменот Дејмон Албарн хумористично потсети дека одлуката да се именува албумот „Лондон“ бил последниот придонес од Дејв Балф (Dave Balfe), нивниот поранешен соработник. Наместо тоа, на омотот има слика од трка со кучиња, популарна британска активност. Иако повеќето слики од брошурата на ЦД-то се направени на стадионот Волтамстоу (Walthamstow Stadium), вистинската слика на насловната страница не е фотографирана таму. Кралската пошта (Royal Mail) го вклучи омотот „Parklife“ во својот избор на поштенски марки „Класичен албум омот“ во 2010 година.
Red Hot Chili Peppers – Blood Sugar Sex Magik (1991)
Басистот Фли во интервју за Лос Анџелес Тајмс во 2021 година спомна дека членовите на бендот се восхитуваат на делата на Мен Реј и го ангажирале филмскиот режисер Гас Ван Сант за фотографирање. Илустрацијата на омотот, на која се гледаат трња кои излегуваат од устата на секој член на бендот и се спојуваат, е создадена од холандскиот уметник за тетоважи Хендрикус „Хенк“ Шифмахер, долгогодишен пријател на Чили Пеперс.
Green Day – Dookie (1994)
Омотот на „Dookie“ кој го нацртал локалниот уметник Ричи Батлер, прикажува бомби како паѓаат на авенијата Телеграф во Беркли, срцето на панк сцената во Ист Беј. Били Џо Армстронг, фронтменот на Грин Деј, имаше за цел да ја претстави уметничката живост на Ист Беј. Насловната страница ги отсликува корените на бендот и нивното признавање на значајните локални уметници.
Sonic Youth – Goo (1990)
Албумот „Goo“ на Sonic Youth има незаборавен омот, илустриран од уметникот Рејмонд Петибон. Уметничкото дело е инспирирано од фотографијата во весник на клучните сведоци на судењето за Moors убиствата во 1966 година. Натписот додаде елемент на безвременска свежина на сликата, и влијае на модата и дизајнот ден-денес.
Nirvana – Nevermind (1991)
За омотот на култниот албум „Nevermind“, фотографот Кирк Ведл ја снимил препознатливата слика на бебе кое под вода плива кон банкнота од еден долар. Сатиричен коментар на општествените очекувања и совршено усогласен со темите на албумот. Неочекувано, со успехот на албумот младата ѕвезда на сликата, Спенсер Елден, стана траен симбол на 90-тите.
R.E.M. – Automatic for the People (1992)
Дизајниран од редовниот соработник на Р.Е.М., Крис Билхајмер, на омотот има фотографија на знак од врвот на хотелот Синбад во Мајами. Уметничкото дело предизвика носталгија, како пригоден приказ за оние кои пораснале во 50-тите и во времето на излегување на албумот се соочувале со средовечна криза.
Dinosaur Jr. – Green Mind (1991)
Фотографијата на омотот, насловена како „Присила, Џоунс Бич, 1969 година“, е од Џозеф Сабо (Joseph Szabo) и е преземена од неговата книга фотографии Almost Grown.
Mad Season – Above (1995)
„Mad Season“ била рок супергрупа составена од гитаристот Мајк Мекреди (Mike McCready) од Pearl Jam, пејачот Лејн Стејли (Layne Staley) од Alice in Chains, тапанарот Берет Мартин (Barrett Martin) од Screaming Trees и басистот Џон Бејкер Сондерс (John Baker Saunders). Нивниот единствен албум „Above“ излезе во 1995 година. Омотот на албумот, во мрачен црно-бел стил, прикажува пар кој се бакнува, а ова уметничко дело го изработи самиот пејач Стејли. Инспирацијата за оваа илустрација произлезе од фотографијата на Стејли со неговата поранешна свршеница.
Soundgarden – Badmotorfinger (1991)
На омотот на „Badmotorfinger“ се наоѓа лого направено од гитаристот Марк Денси од Big Chief, суб поп бенд. Дизајнот се одликува со назабена шема налик на циклон со централен триаголник со насловот на албумот. Гитаристот Ким Тајил објасни дека омотот е избран поради неговата агресивна привлечност.
Tool – Ænima (1996)
Номиниран за Греми награда за најдобар омот за албум (Grammy Award for Best Recording Package). Овој омот (наречен “Multi-Image CD case”) добива анимиран ефект кога се комбинираат сликите од омотот и внатрешните слики.
Faith No More – King for a Day … Fool for a Lifetime (1995)
Се верува дека авторските права за омотот на Faith No More – King for a Day“ припаѓаат на етикетата Slash/London или на графичарот Мелинда Манискалко.
Radiohead – OK Computer (1997)
Омотот „OK Computer“ на Radiohead содржи компјутерски генериран колаж направен од фронтменот Јорк и Стенли Донвуд (Stanley Donwood), кредитиран како „White Chocolate Farm“. Донвуд имал задача да создаде визуелен дневник за време на снимањето на албумот. Сино-белата палета имала за цел да го евоцира ефектот на избледеано, со мотиви како автопати, авиони, семејни сцени, логоа и градски пејзажи. Фотографијата од автопатот на омотот најверојатно е направена во Хартфорд, Конектикат, каде што бендот настапи во 1996 година.
Aphex Twin – I Care Because You Do (1995)
Иако од денешна гледна точка, неговата музика може погрешно да се сфати како производ на вештачка интелигенција, Ричард Д. Џејмс ја направи својата музика препознатливо автобиографска со својата вознемирувачка насмевка на повеќето албуми.
Beastie Boys – Check Your Head (1992)
Глен Е. Фридман, познат по снимањето на скејт и харкор-панк сцените, го фотографирал триото за омотот на „Check Your Head“. Иако во тоа време кружела гласина дека тие со позициите на телата го имитираат логото на Адидас, вистинското значење на нивните пози останува непознато. Сликата претставува суров и автентичен приказ на идентитетот на бендот.
DJ Shadow – Endtroducing (1996)
Во 90-тите, „Endtroducing“ винилот беше култен и редок, но сега е достапен дури и во Barnes & Noble! Сликата на омотот отвори прозорец кон субкултурата од тоа време.
Björk – Homogenic (1997)
Меѓу различните омоти на албумите на Бјорк, „Homogenic“ ја опфати космичката убавина на нејзината музика. Модниот дизајнер Александар Меквин, нејзин близок пријател, е креативниот ум зад дизајнот на омотот. Сликата прикажува решителна и исклучително грациозна принцеза-воин, симболизирајќи ја нејзината непоколеблива посветеност на нејзината уметност и нејзината подготвеност да ја заштити од какви било предизвици што може да се појават на нејзиното патување. Повеќе за омотот тука.
Massive Attack – Mezzanine (1998)
За „Mezzanine“, фотографот Ник Најт снимил разни суштества во Природонаучниот музеј, а дизајнерот Том Хингстон дигитално ги колажирал за да создаде имагинарно суштество. Сликата придонела за незаборавниот трип-хоп идентитет на албумот.
Smashing Pumpkins – Siamese Dream (1993)
На овој иконички омот има фотографија на две девојчиња, Али Ленгер и ЛиСандра Робертс, како уживаат во еден сончев ден во Лос Анџелес во 1993 година. Повеќе за омотот тука.
The Breeders – Last Splash (1993)
Смртта на дизајнерот Вон Оливер во 2019 година остави значителна празнина во музичкото царство. Овде, се среќаваме со една од неговите најраскошни креации: дизајн на албум кој користи волшебна фотографија од Џејсон Лав, украсувајќи го вториот албум на Ким и Кели Дил. Кој се сеќава на Cannonball!?
Buena Vista Social Club – Buena Vista Social Club (1996)
„Buena Vista Social Club“ не само што го карактеризира извонредното богатство од музичари, туку и самиот албум, направен за само седум дена во 1996 година во винтиџ студијата EGREM во Хавана е богатство за светската музика. „Buena Vista Social Club“ наскоро стана глобален феномен! Омотот е фотографија од истоимениот филм на Вим Вендерс.
Pantera – Vulgar Display Of Power (1992)
Овој омот може да се пофали со урбана легенда. Починатиот тапанар на Pantera, Вини Пол, тврдел дека на моделот му компензирале со 10 долари по удар, а биле потребни 31 слика за да се постигне потребната фотографија. Иако оваа приказна е интересна, сепак нема докази за неа. Верзијата на настаните на Вини Пол останува популарна до ден-денес.
Megadeth – Rust In Peace (1990)
Овој албум стои како врвно достигнување на Megadeth. Омотот се усогласува со темите на албумот. Маскотата на бендот е опкружена од светските лидери од нивната ера – Џорџ Х.В. Буш, Михаил Горбачов, Ричард Фон Вајцсакер, Тошики Каифу и Џон Мејџор во една политичка порака.
Rage Against The Machine – Rage Against The Machine (1992)
На 11-ти јуни 1963 година, будистичкиот монах Thích Quảng Đức се запали на една прометна улица во Виетнам. Неговото самозапалување беше во знак на протест против прогонството на монасите од страна на јужно виетнамската влада поддржана од Америка. Неговата жртва, фатена во извонредна фотографија од Малколм Браун, остави неизбришлива трага низ целиот свет. Речиси три децении подоцна, рап метал бендот Rage Against the Machine и вдахна нов живот на оваа фотографија избирајќи ја за омот на нивното истоимено деби издание кое стана култно.