Селекцијата на Мароко приреди ново изненадување на Светското првенство во Катар, откако со 2:0 ја совлада официјално третата репрезентација од претходниот Мундијал, Белгија.
Резултатот го отвори Абделхамид Сабири во 73-та минута, а победата ја завери Закарија со што дополнително се закомпликува ситуацијата во групата Ф. Со победата, Мароканците се први по две кола со 4 бода, Белгија има 3, а додека Хрватска и Канада од 17 часот го играат својот меѓусебен меч од второто коло.
Morocco 1:0 Belgium WHAT A GOAL! AFRICA UP!! pic.twitter.com/csjZf60cKN
— Mapa the Mayor (@Mapapikin) November 27, 2022
Сабири голот го постигна од слободен удар, а голем кикс направи голманот на Реал Мадрид и на Црвените Ѓаволи, Тибо Куртоа, кој не го следеше летот на топката најдобро и дозволи таа да влезе во неговата мрежа.
https://twitter.com/i/status/1596879972161171456
Конечниот резултат го постави Закарија по одличната асистенција на Хаким Зијех во судиското продолжение.
Мароканците постигнаа уште еден гол, и тоа од слободен удар во 45-та минута, но им беше поништен поради офсајд.