Речиси три дена ренџерите на Националниот парк Шар Планина се бореа со пожарот кој беснееше над селото Селце. Со метли, лопати и грбни пумпи ги гаснеле пламените јазици кои “голтаа” шума, приватен имот и ливади. Зафатена е голема површина поради силниот ветер кој го интензивираше пожарот во текот на вчерашниот ден. Сега е ставен е под контрола, но и понатаму се следи.
Пожарите на Шара зачестија годинава, а најчеста причина за нивното избувнување, покрај климатските промени, е и човечкиот фактор, поради што од Установата апелираат до граѓаните на поголема внимателност.
Од Центарот за управување со кризи информираат дека и во Националниот парк Маврово ранџерите гаснат пожар на поголема површина, при што се зафатени пасишта, смрека и папрат, на непристапен терен, поради што е ангажиран и хелихоптер на МВР.
Инаку во изминатото деноноќие имало вкупно 12 пожари на отворено.
Шумските пожари годинава започнаа многу рано, а предизвикот за справување со нив ќе биде уште поголем во летниот период, поради тоа што Дирекцијата за заштита и спасување се соочува со критичен недостиг на пилоти. Останува само еден, затоа што другите двајца се пензионираат.
Данијела Билбилоска