Актерот Доминик Вест зборуваше за еден од најтешките периоди во животот на неговото семејство.
Во интервју за „The Sunday Times“, Вест зборуваше за тоа како тој и неговата сопруга, дизајнерката Кетрин Фицџералд, се справиле со медиумската бура што се појави откако тој беше фотографиран како се бакнува со колешката Лили Џејмс во 2020 година.
„Се двоумам да зборувам во име на мојата сопруга, бидејќи очигледно беше ужасно, особено за неа“, рече Вест на прашањето дали има нешто добро во неговиот „момент на срам“. на што тој додаде – „Понекогаш се шегуваме за тоа“.
Вест се присети како двајцата пронашле хумор во вестите што го следеа секој нивни потег, велејќи дека „покажувале заедништво“ секогаш кога ќе излезат надвор.
„Дури и да баравме место за паркирање или што и да е… Значи, кога ќе излеземе, некако велиме: „Дали ќе покажеме единство во Лондон?“, рече Вест, кој го нарече инцидентот „апсурдна ситуација“.
„Тоа беше многу стресно за мојата сопруга и моите деца“, рече актерот.
Вест и Фицџералд беа во брак 10 години во времето кога тој беше забележан во Рим како ја бакнува Лили, неговата колешка во мини-серијата „Потрага по љубовта“ на Би-Би-Си, а Дејли Меил дури објави дека Вест не го носел неговиот венчален прстен.
Неколку дена по објавувањето на фотографиите, Вест и Фицџералд, кои имаат три деца заедно, јавно ја покажаа својата заедништво позирајќи пред новинарите и бакнувајќи се пред нивниот дом во Лондон. Тие на папараците им врачија и потпишана и рачно напишана белешка на која пишуваше: „Нашиот брак е силен и сè уште сме заедно. Ви благодариме“.