Пaпата Фрањо им ги изми и бакна нозете на 12 затворенички во римски затвор, во симболичен обред на понизност и служба на Велики четврток.
Тој попладнето го посети женскиот затвор Ребибија, кој се наоѓа во североисточниот дел на италијанската престолнина.
Седејќи во инвалидска количка, 87-годишниот Папа им ги изми нозете на сите 12 затвореници, од кои некои беа во солзи, пред да ги избрише со крпа и да ги бакне.
Светиот Отец се чинеше дека е во добра форма, иако последниве денови во медиумите се шпекулираше за неговата здравствена состојба поради честите инфекции кои во неколку наврати го спречуваа да ги заврши говорите.
„Сите ние доживуваме мали и големи неуспеси“, рече Френсис во импровизирана проповед за време на мисата одржана во срцето на затворот каде што се притворени 370 жени.
Неколку минути претходно Фрањо се насмевна и се ракува со затворениците. Во христијанската традиција, Велики четврток го означува денот кога Исус им ги измил нозете на апостолите за време на Тајната вечера.
Од неговото назначување во 2013 година, Фрањо е чест гостин на затворите или прифатните центри за бегалци, каде им ги миел нозете на поранешните мафијаши, болни или маргинализирани луѓе.