Полицијата во Флорида објави видео снимено од униформата на заменикот на шерифот кој случајно уби војник во својот дом. Како што јавува Би-Би-Си, членот на воздухопловните сили на Соединетите Американски Држави, Роџер Фортсон (23) починал во болница откако итно бил пренесен во болница по инцидентот.
Адвокатот на семејството на жртвата, повикувајќи се на сведоци изјави дека полицијата по грешка влегла во неговата куќа. Полицијата ги оспорува овие тврдења, велејќи дека заменикот на шерифот дејствувал во самоодбрана откако го видел Фортсон вооружен со пиштол.
Инцидентот се случил на 3 мај, на помалку од десет километри од базата Харлбурт Хил, каде што бил стациониран авијатичарот. Заменикот на шерифот кој го уби Фортсон е на административно отсуство и неговиот идентитет не е објавен.
Шерифот на округот Окалуса, Ерик Аден, потврди дека е започната истрага за инцидентот, ветувајќи дека ќе биде „темелна и транспарентна“ и дека ќе биде потребно „некое време“ за да се заврши.