Фудбалската асоцијација на Англија (ФА) успеа во намерите да му биде зголемена суспензијата на голманот на Милвол, Лијам Робертс. Голманот на Милвол, минатата недела доби црвен картон по само осум минути игра, во осминафиналето на ФА купот, против Кристал Палас.
Во осмата минута Робертс, брутално стартуваше врз напаѓачот на Кристал Палас, Жан-Филип Матета. Судијата Мајкл Оливер дури по интервенцијата од ВАР собата ја прегледа снимката и го исклучи Робертс.
Матета беше изнесен од теренот на носилки.
Остри критики добија и навивачите на Милвол, кои се познати по тоа што се едни од најекстремните во Англија. Додека му се укажуваше помош на Матета, тие од трибините скандираа „нека умре“, а протестираа и поради интервенцијата од ВАР собата.
Дисциплинската комисија по натпреварот одлучи да го казни Робертс со три меча суспензија во сите натпреварувања под ингеренции на ФА, а сега е објавено дека казната е зголемена од три на шест натпревари.
Just got in and seen this assault by Liam Roberts on Jean-Philippe Mateta
Absolutely wild. Wtf#FACup #CPFC pic.twitter.com/FwOTqiGOim
— 🆁 (@CapitalR) March 1, 2025