Намалете ја видливоста на темните подочници на природен начин: Неколку корисни трикови и совети кои ќе ви помогнат
Обидете се да ја намалите видливоста на темните кругови со помош на состојки од кујната
Причините за појавата на подочниците можат да бидат различни – недоволно сон, премногу внес на сол и шеќер, недоволна хидратација, лоши животни навики можат да бидат некои од причините за нивното појавување. За ефикасно да се ослободите од нив, прво треба да се обидете да ги искорените овие лоши навики. Во меѓувреме, можете да искористите неколку корисни трикови за кои не се потребни многу пари или време.
- Компирот и краставицата во служба на убавината
Краставицата има својства кои благотворно делуваат на пределот околу очите, а во исто време обезбедуваат пријатно чувство на ладење, намалувајќи го отокот во оваа област.
Затоа, исечете ги краставиците на тенки прстени и држете ги на очите 10 до 15 минути. После тоа, исплакнете ја и исушете ја кожата, никако со крпа. За уште подобри ефекти, оставете ја краставицата околу еден час во фрижидер пред да ја нанесете на очите.
Компирите имаат слични ефекти како краставицата, а згора на тоа имаат и ефект на избелување, што е особено корисно за темните кругови.
- Розова вода
Розата има својства кои позитивно влијаат на еластичноста на кожата, правејќи ја позатегната. Натопете памучните тупфери во вода од роза и ставете ги на очите. Држете околу 10 минути, а потоа исплакнете.
- Ќесички за чај
Кесичките од црн, зелен и чај од камилица можат да бидат многу ефикасно решение за уморни и подуени очи. Откако ќе ја потопите кесичката чај во вода, исцедете малку од течноста, па ставете ја во фрижидер да се излади. Држете ги на очите 10 до 15 минути, а потоа исплакнете.